Një lokal në Tiranë është zbuluar nga policia se përdorej për organizimin e kundërligjshëm të lojërave të fatit. Si rezultat i operacionit janë arrestuar pronari i lokalit dhe kamerieri që punonte aty.
Operacioni u zhvillua nga shërbimet e Komisariati i Policisë Nr. 2 në kuadër të kontrolleve për evidentimin e ambienteve që përdoren për aktivitete të paligjshme të basteve sportive. Aksioni policor u kodua me emrin “Rezultati”.
Gjatë ndërhyrjes, policia arrestoi në flagrancë shtetasit A. K., 36 vjeç dhe B. Xh., 26 vjeç. Sipas hetimeve paraprake, në lokalin në pronësi të 36-vjeçarit, ku punonte si kamerier 26-vjeçari, në rrugën “Artan Lenja”, dyshohet se organizoheshin baste sportive përmes kompjuterëve dhe telefonave celularë.
Gjatë kontrollit në ambientet e lokalit u sekuestruan si prova materiale 2 kompjuterë dhe 3 telefona celularë që dyshohet se përdoreshin për këtë aktivitet.
Materialet procedurale i janë referuar Prokuroria e Tiranës për veprime të mëtejshme, ndërsa policia bën me dije se kontrollet për goditjen e lojërave të paligjshme të fatit do të vijojnë.