TIRANË– Kryeministri njëhësisht edhe kryesocialisti Edi Rama ka mbajtur fjalën në mbledhjen e sotme të Grupit Parlamentar të forcës politike që ai drejton.
Rama teksa ka folur për arrestimin e padrejtë që është bërë ndaj kryebashkiakut të Tiranës Erion Veliaj, deklaron se ky rast është i rëndë, pasi sipas tij vënia në pranga e Veliajt është bërë me urdhër të një gjykatësi, që sipas Ramës duhet që ILD të marrë masa disiplinore.
“Meqë njërin po e lëmë në ballkon të shkojmë të kapim nja tre nga këta, pastaj meqë kam tre të shkojmë ti biem njërit. Por meqë po bëjmë këtë për kryetarin e bashkisë të shkojmë të kapim njërin për diplomë. Për këtë mund të flas unë sesa respekt për një Belo Këlliçaj, një popull kot. Por tani të përfundojë njeriu në dyert e SPAK për diplomën, jo e ke falso, po ca është kjo? Për të thënë që po i biem këtij, por po shkojmë të marrim edhe këtë se ky është hija që konkurron. Pra në këtë kuptim politik. Pra ndiq mediat, kompleksohu dhe bëj balet. Ndërsa në rastin e GJKKO ky është një rast që duhet parë, sa është ora 9:48 nuk e di nëse është zgjuar inspektori i lartë i drejtësisë por mbase zgjohet dhe më dëgjon. Është shumë e rëndë kjo. Shumë e rëndë dhe mos bëjnë gabim të vijnë të kërkojnë telefonin tim, sepse boll i kanë, i kanë mbledhur të gjithë telefonat e Shqipërisë atje. Të shkojnë të merren me faktet.”- u shpreh numri një i qeverisë./Radar.al