Një shtetas shqiptar që kujdesej për një fermë kanabisi me vlerë mbi 170,000 paund u kapnë flagrancë nga policia, në një shtëpi në Nottingham.
Sipas burimeve Renato Kutrici nuk kishte kohë që ishte liruar nga burgu për të njëjtën vepër në Coventry.
Avokatja Laura Pitman tha në seancë se klienti i saj u përfshi në ndërmarrjen e paligjshme nëpërmjet një bande shqiptare, së cilës familja e tij i detyrohej para.
Avokatja shton se tani ai është “thjesht i dëshpëruar për të shkuar në shtëpi” te gruaja dhe tre fëmijët e tij kur ai ka mundësi të dëbohet nga Zyra e Brendshme në mes të dënimit të tij 10-mujor.
Në fermën ku u kap Kutrici u zbuluan 205 bimë në faza të ndryshme rritjeje, në zona të shumta të pronës.
Secila zonë individuale kishte sistemin e saj me drita, ushqim dhe një sistem ujitjeje.
Eksperti i drogës vlerëson se vlera e kanabisit, varësisht se si ishte shitur në rrugë, do të ishte midis 57,400 dhe 172,220 £.
Kutrici, u deklarua fajtor për prodhimin e kanabisit.
Disa kohë më përpara ai u burgos për të njëjtën vepër për gjashtë muaj kur ai u paraqit në Warwick Crown Court në gusht të vitit të kaluar.
Avokatja Potman tha se familja e klientit të saj hyri në borxhe me kriminelët në Shqipëri për të paguar trajtimin mjekësor në momentin kur ai mbeti i paaftë për të ecur pas një përplasjeje në trafikun rrugor në vitin 2011.
Potman thekson se kjo është arsyeja pse ai erdhi në MB për të ndihmuar në shlyerjen e atyre borxhet.