Sali Berisha denoncoi në rrjetet sociale, me burim “qytetarin digjital”, se në një makinë të ndaluar në Lezhë janë gjetur armë dhe maska, teksa sipas tij dhe postimit të Berishës, makina i përkiste Eriseldo Vocit, nipi i Tonin Vocit, drejtor i Policisë së Tiranës.
Por Policia reagoi sot duke mohuar se makina ishte e nipit të Vocajt.
Sqarim i Drejtorisë Vendore të Policisë Lezhë.
Lidhur me një status të postuar në rrjetin social Facebook nga shtetasi S. B., dhe më pas i fshirë nga rrjeti prej tij, sqarojmë opinionin publik se:
Automjeti tip “Audi” i ndaluar nga shërbimet e Policisë më datë 02.11.2024, rreth orrës 15:00 në aksin rrugor rural midis fshatrave Fishtë – Kallmet nuk është në pronësi të nipit të Drejtorit të Drejtorisë Vendore të Policisë Tiranë Tonin Vocaj, por në pronësi të shtetasit B. V., 45 vjeç, banues në Kalivaç, Lezhë.
Është ushtruar kontroll i automjetit dhe personit dhe gjatë kontrollit nuk janë konstatuar sende të kundraligjshme, veprime te cilat janë kryer ne vend në prani të ekspertit kriminalist.
Sqarojmë se lidhur me statusin e postuar nga shtetasi S. B., bëjmë me dije se shtetasi B. V, nuk ka asnjë lidhje farefisnore/familjare apo shoqërore me Drejtorin e Drejtorisë Vendore të Policisë Tiranë Z. Tonin Vocaj.
Gjithashtu lidhur me pretendimet se personi dhe automjeti nuk janë shoqëruar, (apo liruar me urdhër të Drejtorit Vendor të Policisë Lezhë Alfred Elezi) ju sqarojmë se ne lidhje me rastin janë kryer të gjitha veprimet në zbatim të K.Pr.Penale dhe procedurave standarte, kontrolli i automjetit është bërë në vendin ku është gjetur, ne prani të drejtuesit të mjetit dhe ekspertit kriminalist, i shoqëruar me fotografimin përkatës dhe nuk ka pasur asnjë ndërhyrje nga asnjë drejtues policie për të lënë të lirë personin apo automjetin.
Gjithashtu lidhur me pretendimet se një punonjës policie ka shkuar i dëmtuar në spital, keto pretendime nuk qëndrojnë. Në lidhje me rastin nuk është dëmtuar asnjë punonjës policie.
Postimi i plotë i publikuar nga Sali Berisha që më pas u fshi:
Policia fsheh krimin.
Lexoni mesazhin e oficerit dixhital!
Pershendje Doktor
Po te shkruaj per nje rast te pa precedent qe ka ndodhur diten e shtun dt 2 .
Une qe po te shkruj jam nje oficer policie ne drejtorin e policis lezhe ne oren 15-00 ne fshatin e quajtur kallmet kemi ndaluar nje makin audi te bardh qe kishim i formacion qe leviz i armatosur mjeti audi ndaloj por sa u afruam per te komunikuar me te perplasi kolegun dhe u largua ne ndjekje e siper e braktisi makinen dhe u largun ne kemb brenda ne makin kishte maska dhe arm por kur e derguam per kqyrje ne komisariat makina rezultoj ne emer te eriseldo voci nipi tonin vocit drejtuesit te policis tirane
Me urdher te drejtorit alfred elezi makina u lirua dhe personi nuk u shoqerua fare mjeti audi me targ ab257ih esht makina e nipit te tonin voci
Ndersa mjeti polo esht mjeti qe po e ndjek i policis lezhe aa323us
Doktor verifikoje kto qe te thash sepse kolegu im ka vajt ne spital per mjekim dhe po na marrin jeten kriminelat me drejtuesit tone duke na ekspozuar tek krim