Zbulohen të tjera detaje nga ngjarja tragjike e ndodhur në spitalin në Tiranë ku një grua e re humbi jetën bashkë me foshnjen e saj.
Burimet thanë se 36 vjeçarja ka humbur jetën në reanimacionin e QSUT nga hemoliza e gjakut, e lidhur me problemet autoimune.
Kjo patologji e shfaqur gjatë shtatzënisë e komplikoi gjendjen shëndetësore të gruas çka solli dhe lindjen e foshnjës pajetë, raporton Tch.
Gruaja vazhdonte të kishte hemolizë të rruazave të gjakut ( probleme me rruazat e kuqe të gjakut) dhe u shtrua në reanimacionin e spitalit qendror ku biluribina vazhdonte të ishte e lartë, çka bëri që pas foshnjës të humbte jetën edhe nëna 36 vjeçare.