Seanca konstituive e Kuvendit të Kosovës është shtyrë sërish të hënën, për herë të pestë, pas kërkesës së Lëvizjes Vetëvendosje për arritjen e një marrëveshjeje politike me partitë e tjera parlamentare.
Deputeti i LVV-së, Glauk Konjufca, deklaroi se partia nuk do të propozojë përsëri Albulena Haxhiun për kryetare të Kuvendit, pasi mungon mbështetja nga subjektet e tjera politike. Ai theksoi nevojën për një konsensus të gjerë për këtë post.
Pas kësaj deklarate, kryesuesi i Kuvendit, Avni Dehari, vendosi të ndërpresë seancën, duke njoftuar se ajo do të rifillojë pas 48 orësh.
Procesi i konstituimit të Kuvendit vazhdon të mbetet i bllokuar, ndërsa partitë nuk po arrijnë një dakordësim për pozitat kyçe institucionale.