Do të zhvillohet ditën e sotme seanca e shtatëmbëdhjetë për konstituimin e legjislativit të nëntë, afro orës 10:30.
Mediat kosovare raportojnë se 16-të seancat e deritanishme nuk kanë patur asnjë rezultat sa i përket zgjedhjes së kryetarit të ri të Kuvendit të dalë nga zgjedhjet e 9 shkurtit.
Lëvizja Vetëvendosja në tentimet e tyre dështuan në formimin e një komisioni për votimin e fshehtë të Albulena Haxhiut në krye të Kuvendit.
Aleanca për Ardhmërinë e Kosovës dorëzoi, të hënën e shkuar, për interpretim në Gjykatën Kushtetuese mënyrën e fshehtë të votimit që po e kërkon LVV-ja në Kuvend.
Një takim i kryetarëve të partive me presidenten Vjosa Osmani i zhvilluar gjatë javës përfundoi pa rezultate konkrete për dalje nga ngërçi politik.