Të gjithë duam të besojmë se dashuria mjafton për ta mbajtur gjallë një lidhje. Por, e vërteta është se ndonjëherë, sado të duash dikë, marrëdhënia thjesht nuk funksionon më. Kur një lidhje nis të thyhet, shenjat janë aty – dhe shpesh i ndjejmë shumë përpara se t’i pranojmë.
Nëse i gjen veten tek këto situata, ndoshta është koha të pranosh se kapitulli ka mbaruar dhe se duhet të mendosh për një fillim të ri:
Besimi ka humbur – Kur nuk i beson më partnerit, çdo gjë tjetër shembet. Dyshimet, kontrolli dhe sjelljet toksike bëhen pjesë e përditshmërisë.
Nuk e sheh të ardhmen bashkë – Nëse nuk e imagjinon partnerin në planet e tua pas 5 ose 10 vitesh, atëherë realisht nuk keni një të ardhme.
Qëllime krejtësisht të ndryshme – Njëri do familje e qetësi, tjetri aventurë dhe qytet. Mospërputhja në vendime jetike është një mur i pakalueshëm.
Prania e tij/saj të lodh – Në vend që të të japë energji, partneri të shterron. Kur një lidhje nuk të ushqen më shpirtërisht, ajo po të dëmton.
Intimiteti ka vdekur – Përqafimet, prekjet dhe afërsia fizike janë zhdukur. Pa romancë, marrëdhënia është vetëm një bashkëjetesë bosh.
Debatoni pa fund – Nëse grindeni çdo ditë, shpesh për gjëra të parëndësishme, kjo tregon se problemi i vërtetë është shumë më i thellë.
As nuk ke më dëshirë të debatosh – Pika finale. Kur nuk të intereson as të luftosh për marrëdhënien, ajo tashmë ka marrë fund.