Forcat Speciale të Ushtrisë Shqiptare zhvilluan një stërvitje të përbashkët me homologët e tyre italianë, e fokusuar në luftën kundër trafikut të drogës dhe sigurinë e ujërave detare.
Ministria e Mbrojtjes njofton se operacioni, me emrin “Neptune Strike 26”, synon të forcojë bashkëpunimin mes forcave të dy vendeve në parandalimin e aktiviteteve të paligjshme dhe garantimin e sigurisë së rrugëve ujore.
“Neptune Strike 26! Forcat Speciale Shqiptare së bashku me aleatët italianë në aksion, kundër aktiviteteve të paligjshme dhe për sigurinë e rrugëve ujore,” tha Ministria e Mbrojtjes.
Stërvitja shënon një hap të rëndësishëm të bashkëpunimit strategjik midis Shqipërisë dhe Italisë në fushën detare.