GAZA– Ministria e Shëndetësisë në Gaza ka njoftuar se trupat e 79 personave të vrarë nga sulmet izraelite janë sjellë në spitale gjatë 24 orëve të fundit.
Ky është një numër që nuk përfshin spitalet në veriun e goditur që tha se tani janë të paarritshme.
Bëhet me dije se mes viktimave gjatë ditës së kaluar në ofensivën e ripërtërirë ushtarake të Izraelit përfshihen nëntë nga 10 fëmijët e një mjeku, thanë kolegët e tmerruar dhe Ministria e Shëndetësisë.
Alaa Najjar, pediatre në Spitalin Nasser, ishte në detyrë në atë kohë dhe vrapoi në shtëpi për të gjetur shtëpinë e familjes së saj në flakë, tha për Associated Press Ahmad al-Farra, kreu i departamentit pediatrik të spitalit. Bashkëshorti i Najjar u plagos rëndë dhe fëmija i tyre i vetëm mbijetues, një djalë 11-vjeçar, ishte në gjendje kritike pas sulmit të së premtes në qytetin jugor të Khan Younis, tha Farra.
Fëmijët e vdekur ishin të moshës nga shtatë muaj deri në 12 vjeç. Khalil Al-Dokran, një zëdhënës i Ministrisë së Shëndetësisë së Gazës, i tha AP-së se dy prej fëmijëve mbetën nën rrënoja.
/Radar.al
U tërhoq përfundimisht nga futbolli i luajtur/ Nderimi special që i bëjnë Taulant Xhakës te Bazeli
“E kisha si djalin tim”/ Vjehrri tregon telefonatën e fundit me Gert Bogdanin
“Dhimbja nuk kalon”/ Edlira Çepani emocionon për mungesën e Gert Bogdit: Buzëqesh për fëmijët