Një ndjekje spektakolare në Queens të Nju Jorkut ka përfunduar me arrestimin e një hajduti makinash, i cili u përpoq t’i shpëtonte policisë duke u hedhur në ujë.
Pamjet e kamerës së trupit tregojnë momentin kur 24-vjeçari Matthew Swafford ecën me shpejtësi mbi një mol, injoron thirrjet e një policeje dhe zhytet në ujë. Efektivja, pa humbur kohë, heq pajisjet dhe i hidhet pas, ndërsa kolegu i saj kërkon ndihmë përmes radios.
Pavarësisht rezistencës edhe në ujë, Swafford u nxor në breg dhe u prangos.
Policia e Nju Jorkut e ka vlerësuar reagimin e shpejtë të efektivëve, duke thënë se vendosmëria e tyre e mbylli ndjekjen pa dëmtime. Swafford akuzohet për disa vepra penale dhe rezulton i arrestuar më herët për disa raste të tjera vjedhjeje automjetesh.
A suspected car thief tried to make his escape by diving into the water.
He didn’t count on our dedicated @NYPD101Pct officers following him without hesitation, putting duty before danger.
Their quick action ended the chase safely, bringing him onto shore, and into custody. pic.twitter.com/QDNqqG7YvO
— NYPD NEWS (@NYPDnews) August 10, 2025