Një 39-vjeçar mbeti viktimë e një incidenti pranë brigjeve të ishullit grek, Symi. Një gomone me emigrantë e nisur nga brigjet e Turqisë përplasi skafin e Rojes Bregdetare helene.
Patrulla e Gardës Bregdetare, gjatë patrullimit të planifikuar, ka pikasur një skaf të dyshimtë.
Mjeti lundrues që transportonte emigrantë nuk iu bind udhëzimeve të Kufitarëve grekë dhe ka rritur shpejtësinë për të tentuar arratisjen.
E ndjekur nga Roja Bregdetare, varka ka kryer manovra të rrezikshme dhe ka përplasur skafin e policisë në anën e majtë, pranë pozicionit të kapitenit.
“Për të parandaluar rrezikun fillimisht janë qëlluar pa efekte të shtëna paralajmëruese. Më pas janë gjuajtur të shtëna në shënjestër në drejtim të motorit të jashtëm. Pas ndalimit të varkës është kryer kontrolli nga ekuipazhi i PAS, ku është konstatuar se një 39-vjeçar ka mbetur i plagosur për vdekje, ndoshta nga një top zjarri. 39-vjeçari është transportuar me një tjetër gomone patrulluese në portin e Rodos dhe është transferuar në spital, me qëllim kryerjen e një nekroskopie nga mjekët ligjor të Rodosit”.
Më tej sqarohet se në varkë ndodheshin 14 emigrantë, 5 të mitur, 8 burra dhe 1 grua, ndërsa Rojet Bregdetare arrestuan dy trafikantët.