Puna në pikën kufitare të Qafë Thanës, në dalje të Shqipërisë, u ndërpre për një periudhë të shkurtër për shkak të problemeve teknike nga pala maqedonase.
Sipas Drejtorisë Vendore të Kufirit dhe Migracionit (DVKM) Korçë, ndërprerja ndodhi mes orës 12:50 dhe 13:10, pasi autoritetet maqedonase hasën vështirësi në sistemin e regjistrimit të hyrje-daljeve.
Autoritetet theksuan se nuk kishte fluks të madh të udhëtarëve, dhe puna u rifillua normalisht pas zgjidhjes së problemit.
Udhëtarët që planifikojnë të kalojnë kufirin këshillohen të qëndrojnë të informuar mbi situatën për të shmangur vonesat e mundshme.