Mbrëmjen e sotme pritet të bëhet përballja e madhe York Hall Arena të Londrës.
Boksieri me origjinë shkodrane Nelson Hysa, i cili peshon 120 kg dhe arrin një gjatësi prej 196 cm do të ndeshet përballë kampionit argjentinas Ariel Brakamonte, me peshën 140 kg dhe 2 metër i gjatë në 10 raunde.
Prej më shumë se dy vitesh, në boksin profesionist Hysa ka rrëmbyer fitoren në të gjitha ndeshjet e tij rreth 90% të tyre me knockout.
Mbrëmjen e djeshme u zhvillua edhe peshimi i boksierëve, një procedurë standarde kjo përpara ndeshjeve.
Adhuruesit e këtij sporti do të kenë mundësinë ta ndjekin këtë mbrëmje të madhe të boksit me superndeshjen e sportistit shqiptar Nelson Hysa, në kanalin SuperSport 1 duke filluar nga ora 20:00.