Territori shqiptar do të ndikohet sot nga një rënie e lehtë e vlerave barike, duke sjellë vranësira të dendura dhe reshje shiu në pjesën më të madhe të vendit. Reshjet do të jenë më intensive në zonat Veriore dhe Verilindore, ku nuk përjashtohet mundësia e rrebesheve të shkurtra dhe breshërit.
Në pjesën e dytë të ditës, reshjet do të përhapen në të gjithë vendin, megjithëse me intensitet më të ulët. Zonat Juglindore do të përjetojnë rrebeshe të shkurtër dhe mini-stuhi breshëri.
Temperaturat do të pësojnë një rënie të lehtë, duke luhatur nga 4°C në Peshkopi në orët e para të mëngjesit, deri në 23°C në mesditë në qytetin e Kuçovës.
Era do të jetë mesatare deri e fortë nga drejtimi Verior, me shpejtësi që mund të arrijë mbi 50 km/h, duke shkaktuar dallgëzim në det me forcë 3–4 ballë.