Sipas Shërbimit Meteorologjik Ushtarak, vendi ynë ditën e shtunë do të ndikohet nga kushte atmosferike të paqëndrueshme.
Parashikohet mot me kthjellime dhe vranësira mesatare deri në të dendura. Në periudha të caktuara, vranësirat do të shoqërohen me reshje shiu të herëpashershme dhe me intensitet të ulët, kryesisht gjatë paradites dhe deri në pasdite. Në zonat malore të veriut, reshjet do të jenë më të shpejta dhe mund të shoqërohen me shtrëngata e shkarkesa elektrike. Pasditja do të sjellë kthjellime në të gjithë territorin.
Era do të fryjë nga veriperëndimi dhe verilindja me shpejtësi mesatare 8 m/s, ndërsa në lugina dhe bregdet do të arrijë deri në 15 m/s. Valëzimi në det parashikohet 2–3 ballë.