Eksperti i Kriminalistikës, Ervin Karamuço, foli për atentatet ndaj efektivëve të policisë dhe kërcënimet ndaj drejtorit të policisë së qarkut të Shkodrës nga bandat, për shkak të goditjeve ndaj krimit në zonë.
Karamuço theksoi se Shkodra dallon nga pjesa tjetër e vendit dhe se veriu është më i predispozuar për të investuar para në fushata elektorale, për të kufizuar fuqinë e krimit të organizuar në blerjen e votave. Ai zbuloi se drejtori i policisë është kërcënuar para tre javësh, duke i thënë të mos dalë vetëm natën.
“Shkodra bën një diferencë të madhe me pjesën tjetër të vendit. Veriu është më i predispozuar që paratë t’i hedhë në fushatë, për të kufizuar fuqinë e krimit të organizuar në blerjen e votave. Drejtori i Policisë së Shkodrës është kërcënuar dhe kjo tregon se ai është i vendosur të vendosë rregull. Kjo është ‘luftë’, doni më shumë se kaq. Tritolet që vendosen, çfarë duhet më shumë?”, tha Karamuço në një intervistë për “ABC e Mëngjesit”.