Publikohet firma e mishit të pulës që nuk duhet të konsumohet dhe që ka rezultuar me salmonelë.
Në nisje të emisionit “Opinion” në Tv Klan, ku diskutohet për sasinë e mishit të pulës, që ishte i kontaminuar me salmonelë, u nda dhe një informacioni për qytetarët.
Nga studioja Blendi Fevziu tregoi foton e paketimit të mishit të pulës që përmban salmonelë dhe që ka qarkulluar në tregun vendas.
“Kjo është paketa që kush e ka blerë të mos e konsumojë. Nuk duhet konsumuar, duhet të kthehet mbrapsht sepse përmban salmonelë”, tha Fevziu.
Gjithashtu u saktësua se ky produkt i përket lotit 3, me datë skadence 13.12.2026.