TORONTO– Një ditë më parë një stuhi e rrëmbyeshme ka goditur qytetin e Torontos duke shkaktuar përmbytje të mëdha dhe ndërprerje të energjisë elektrike.
Ndërkohë reperi kanadez Drake ka publikuar një video në rrjetet sociale ku tregon se edhe rezidenca e tij luksoze nuk i ka shpëtuar përmbytjeve.
“Më mirë të jetë Espresso Martini.”- tha Drake në videon ku uji në ngjyrë kafe të turbullt ka përmbytur të gjithë shtëpinë e tij.
Por mesa duket reperi e ka marrë me sportivitet situatën dhe ka bërë shaka në Instagram.
Autoriteti i Ruajtjes së Torontos dhe Rajonit lëshuan një paralajmërim për përmbytje dhe tha se brigjet, lumenjtë dhe përrenjtë në Zonën e Madhe të Torontos duhet të konsiderohen të rrezikshme.