Në takimin përmbyllës të fushatës në Elbasan, kryeministri Edi Rama ka bërë një tjetër sulm ironik ndaj drejtuesit të PD-së në këtë qark, Tomor Alizoti. Rama ndau me të pranishmit një episod nga vizitën e tij në Librazhd, ku tha se kishte ndjerë frikë kur iu afrua qytetit, duke menduar se mund të “hahej” nga Alizoti.
Duke e cilësuar si “Ludovik”, Rama i dha një mesazh thumbues: “O Tomor, ke gjetur vendin dhe njerëzit më të gabuar, forcën më të gabuar për t’u ngatërruar me mua. ‘Tamaja modhe’ do të të lërë pa zo!”
“Paradite shkova në Librazhd dhe pata një moment që më kapi frika kur po i afrohesha Librazhdit. Më kapi frika se thashë mos më ha Alizoti të gjallë. Por, shkoj atje dhe gjej lumë. Shih andej, shih këtej se pashë asgjëkundi Ludovikun. Tani që ju pashë juve, mendova me vete, e kupton mor Tomor se çfarë do të hash të gjallë ti apo jo. S’e ka një fjalë populli shqiptar Tomor, thotë ‘tamaja modhe të le pa gjo’. Por, me sa shoh unë, tamaja modhe, ty do të lejë pa zo. O Ludovik, ke gjet vendin më të gabum, njerëzit më të gabum, forcën më të gabume me u ngatërro mo Tomor. Më del para syve Tomori dhe e mendoj në datë 12”, tha Rama.