Dy të rinj janë arrestuar në Tiranë, pasi dyshohen se shpërndanin heroinë dhe kokainë në zona të ndryshme të kryeqytetit.
Gjatë një kontrolli rutinë në rrugën “Mine Peza”, efektivët e Forcës së Posaçme “Shqiponja” ndaluan një automjet tip “BMW”, ku udhëtonin shtetasit K. P. dhe H. S.
Gjatë kontrollit fizik, policia gjeti doza heroine dhe kokaine tek 21-vjeçari K. P., ndërsa tek 27-vjeçari H. S. u gjetën doza kokaine. Të dy të rinjtë u vunë në pranga për veprën penale “Prodhimi dhe shitja e narkotikëve”.
Materialet e çështjes i janë referuar Prokurorisë së Tiranës për hetime të mëtejshme.