16-vjeçari i njohur tashmë në mbarë botën për talentin e tij, Lamine Yamal mesa duket ka shumë ngjashmëri me futbollistin më të njohur në botë, Liones Messi.
Të gjithë e shohin sikur i riu është në hapat e Messit dhe “fati” do ta ndihmojë atë pasi ngjashmëritë e shumta yllin argjentinas, si këmbën e majtë, magjinë e futbollit dhe Barcelonën, janë këto disa elementë që do ta bëjnë akoma më të njohur emrin e tij në botën e futbollit.
Ndërkohë babai i Yamal ka deklaruar se mbase djali i tij ka qenë ai që e ka bekuar Messin dhe jo e anasjelltas.
“Jam krenar për të gjithë fëmijët. E dija që djali im do të bëhej yll që në momentin që lindi. Çdo baba dëshiron më të mirën për djalin e tij dhe unë i uroj më të mirat në jetë. Shpresoj që ta fitojnë EURO-n dhe të bëhemi kampionë të gjithë bashkë. Fotoja me Messin është një tjetër rastësi e çmendur e jetës. Por ndoshta në fund, djali im ishte ai që e bekoi Messin dhe jo anasjelltas. Për mua ai është më i miri në gjithçka. Në futboll, në dashuri, si person. Për gjithçka. Është një bekim nga Zoti,”-tha babai i Jamal.
Historia e fotove të bëra virale. Messi mban në duar Yamal kur ishte vetëm 6 muajsh.
Ndërkohë fotot e Yamal bebe dhe Messi teksa e mban në krahë, kanë bërë xhiron e rrjetit. Publikimi i këtyre fotove do të thotë shumë për marrëdhënien e dy yjeve. Në vitin 2007, familja e Yamal fitoi mundësinë që fëmija i tyre gjashtë muajsh të ishte pjesë e një fotoseti me një lojtar të Barcelonës për një kalendar që po bëhej për të mbledhur para për bamirësi.
Rastësisht, Messi, 20 vjeç në atë kohë dhe në fazat e hershme të karrierës së tij në Barcelonë, ishte lojtari i zgjedhur për Yamal.
Ka qenë Joan Monfort, fotografi i cili ka zbuluar detaje lidhur me këto foto. “U ndjeva shumë i lumtur kur e mora vesh. Jam i lumtur që kjo foto është parë nëpër botë.”- ka thënë Monfort sipas mediave të huaja.
Është e mundur që nëse fotot do të ishin shkrepur nga vetë familjarët dhe jo nga një fotograf profesionist, mund të mos ishin bërë kurrë kaq virale sa janë sot./Radar.al