Mateo Borri ka thyer heshtjen për herë të parë në rrjetet sociale pas përfundimit të spektaklit Big Brother VIP Albania, duke ndarë një mesazh falënderues për publikun që e mbështeti gjatë gjithë rrugëtimit të tij.
Përmes një videoje të publikuar në rrjetet sociale, ai u shpreh mirënjohës për çdo votë, mesazh dhe përkrahje që ka marrë, duke theksuar se mbështetja e publikut për të ka pasur më shumë vlerë se vetë çmimi prej 100 mijë eurosh.
Mateo sqaroi gjithashtu se mungesa e reagimit të tij deri më tani ka ardhur si pasojë e disa problemeve me telefonin, si dhe nevojës për të kaluar kohë pranë familjes pas përfundimit të eksperiencës në reality show.
Në një mesazh të gjatë falënderues, ai shprehet se çdo gjest mbështetjeje nga publiku ka qenë për të një motivim i madh dhe një përvojë e paharrueshme, duke e cilësuar dashurinë e marrë si “fitoren më të madhe” të këtij rrugëtimi.