Policia e Durrësit ka vënë në pranga dy vëllezër, të cilët morën me forcë në makinë dhe kërcënuan një 44-vjeçar.
Menjëherë pas kallëzimt të 44-vjeçarit Policia lokalizoi dhe arrestoi në flagrancë në Stacionin e Policisë Palzh, Durrës dy vëllezërit me inicialet A. G., 25 vjeç, dhe L. G,. 29 vjeç, banues në Durrës.
Sipas 44-vjeçarit shtetasit në fjalë e morën pa dëshirën e tij dhe e çuan në zonën e Kënetës ku dhe e kishin kërcënuar.
Dy vëllezërit, Aleksandër e Lulash Gecaj, akuzohen për veprën penale “Heqja e paligjshme e lirisë”, kryer në bashkëpunim.
Njoftimi i Policisë
Morën në makinë pa dëshirën e tij një 44-vjeçar dhe e kërcënuan për motive të dobëta, Policia kapi dhe vuri në pranga dy vëllezërit.
Specialistët për Hetimin e Krimit të Stacionit të Policisë Plazh, pas kallëzimit të marrë nga shtetasi B. Sh., 44 vjeç, banues në lagjen nr. 13 Durrës, se ishte marrë pa dëshirën e tij në makinë nga dy vëllezër të cilët e kishin çuar në zonën e Kënetës dhe e kishin kërcënuar për motive të dobta, menjëherë kanë organizuar punën për kapjen e autorëve.
Si rezultat i veprimeve të shpejta, shërbimet e Policisë lokalizuan, kapën dhe shoqëruan në Stacionin e Policisë Palzh, Durrës dy vëllezërit e dyshuar.
Në përfundim të veprimeve të para hetimore u bë arrestimi në flagrancë i shtetasve:
- G., 25 vjeç, dhe L. G,. 29 vjeç,(vëllezër), banues në Durrës.
Në cilësinë e provës materiale u sekuestruan automjeti dhe tre aparate celular.
Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme, për veprën penale “Heqja e paligjshme e lirisë”, kryer në bashkëpunim.