GAZA– Përmes një postimi në rrjetet sociale Hamasi ka publikuar emrat e tre grave të marra peng, për të cilat thuhet se do të jenë tre pengjet e para që do të lirohen.
Ata janë Romi Gonen, Emily Damari dhe Doron Steinbrecher.
Detaje për tre pengjet:
Doron Steinbrecher, 31 vjeç, një infermiere veterinare, ishte në banesën e saj në Kibbutz Kfar Aza kur Hamasi sulmoi. Në orën 10:30 të datës 7 tetor, ajo u dërgoi një mesazh zanor miqve: “Ata kanë ardhur, më kanë kapur mua”.
Romi Gonen, 24 vjeç, iu zu pritë teksa u përpoq të arratisej nga festivali Supernova. Nëna e saj, Merav Leshem Gonan, iu drejtua Këshillit të OKB-së për të Drejtat e Njeriut në qershor, kur ajo bëri thirrje për ndihmë ndërkombëtare për lirimin e pengjeve.
Emily Damari, 28 vjeç, e cila ka shtetësi të dyfishtë britaniko-izraelite, u mor peng nga Kibbutz Kfar Aza. Duke iu drejtuar një ngjarje përkujtimore në Londër më 6 tetor 2024, nëna e saj Mandy tha se pengjet e liruar nëntorin e kaluar i kishin thënë asaj se kishin pasur kontakte me Emily në robëri.
Kujtojmë se pak më parë kryeministri izraelit Benjamin Netanyahu tha se armëpushimi në Gaza që pritej të hynte në fuqi këtë mëngjes nuk do të ndodhë nëse Hamasi nuk arrin të nxjerrë listën e pengjeve që do të lirohen.
Një armëpushim i kërkuar prej kohësh për Gazën, ku Izraeli ka zhvilluar një fushatë të fuqishme ushtarake gjatë 15 muajve të fundit, do të fillonte sot në orën 8:30 të mëngjesit me kohën lokale./TheGuardian/Radar.al
Netanyahu: S’vazhdojmë marrëveshjen e ar*ëpushimit nëse Hamasi nuk nxjerr listën e pengjeve