Një aksident i rëndë mësohet se ka ndodhur mesditën e sotme në kryqëzimin e Urës së Kardhiqit në Gjirokastër.
Burimet bëjnë me dije se në aksident janë përfshirë 3 automjete të tipit Toyota Yaris, Mercedez Benz dhe Toyota Corolla me targa greke, të cilat kamnë përfunduar duke u përplasur me njëra-tjetrën.
Për rrjedhojë kanë mbetur të plagosur rëndë 4 persona të cilët janë transportuar për mjekim në spitalin “Omer Nishani”.
Burime për Report Tv bëjnë me dije se ‘Toyota Yaris’ ishte marrë me qira nga disa turistë e cila paraprakisht dyshohet se për shkak të një manovre të gabuar ka sjellë edhe përplasjen e makinave.
Sakaq thuhet se policia ndodhet në vendngjarje duke vijuar punën për zbardhjen e plotë të rrethanave.