ITALI– Madona, ylli i muzikës pop, i ka kërkuar Papa Leos të vizitojë Gazën në një mision humanitar për të ndihmuar fëmijët palestinezë që po vdesin nga uria, duke thënë se “nuk ka më kohë”.
Artistja amerikane iu lut Papës së ri që të vizitonte enklavën ku përms një postimi në Instagram dhe tha: Atë i Shenjtë. Të lutem shko në Gaza dhe sill dritën tënde tek fëmijët para se të jetë tepër vonë. Si nënë, nuk mund ta duroj dot vuajtjen e tyre. Fëmijët e botës u përkasin të gjithëve. Ti je i vetmi prej nesh që nuk mund të të mohohet hyrja.
Madonna tha se po i bënte thirrje Leos të vizitonte Gazën sepse “politika nuk mund të ndikojë në ndryshim”, por “ndërgjegjja mundet”.
Në postimin e publikuar në ditëlindjen e djalit të saj, Rocco, Madonna tha se dhurata më e mirë që mund t’i bënte është “t’u kërkojë të gjithëve të bëjnë çmos për të ndihmuar në shpëtimin e fëmijëve të pafajshëm të zënë në mes të zjarrit në Gaza”.
Që kur filloi mandatin e tij, Papa ka qenë i ashpër në kritikat e tij ndaj luftës së Izraelit në Gaza, duke shprehur vazhdimisht shqetësimin e tij për civilët palestinezë që përballen me bombardimet izraelite. Kujtojmë se Madonna po bashkëpunon me Netflix për të sjellë jetën dhe karrierën e saj ikonike në ekran. Sipas medias amerikane një miniserial biografik është në fazat e hershme të zhvillimit në platformë./Radar.al
Nga punonjëse italiane në pronare shqiptare. Si “rilindi” Giuseppina Ciccociopo në Shqipëri