Policia turke ka arrestuar 162 persona për postime në internet që lavdëronin dy sulme vdekjeprurëse në shkolla, të cilat ndodhën këtë javë, duke shkaktuar të paktën nëntë viktima dhe plagosur 29 të tjerë.
Sipas autoriteteve, të arrestuarit ishin përfshirë në aktivitete dhe publikime që “lavdëronin krimin dhe kriminelët”, duke ndikuar negativisht në rendin publik.
Po ashtu, 67 persona të tjerë u ndaluan për shpërndarje postimesh që paralajmëronin sulme të tjera në shkolla, ndërsa kufizime u vendosën ndaj 1,104 llogarive në rrjetet sociale.
Sulmi i parë ndodhi më 14 prill në Shkolla e Mesme Profesionale dhe Teknike Anadollie Ahmet Koyuncu, ku një ish-student qëlloi me pushkë gjahu, plagosi 16 persona dhe më pas vrau veten.
Një ditë më vonë, më 15 prill, një tjetër tragjedi goditi Shkolla e Mesme Ayser Calik, ku tetë nxënës dhe një mësues humbën jetën, ndërsa 13 persona të tjerë mbetën të plagosur, mes tyre gjashtë në gjendje kritike.