Një grup ndërpartiak deputetësh britanikë I kanë shkruar qeverisë së kryeministrit Kier starmer, duke iu kërkuar që të sjellin pa vonesë në Britani fëmijët e sëmurë deh plagosur të gazës.
Në letrën e tyre, 96 deputetët theksojnë se fëmijët e enklavës palestineze janë në rrezik vdekjeje dhe se duhet të hiqet çdo pengesë për evakuimin e tyre.
Deputetët theksojnë se infrastruktura thelbësore e gazës është shkatërruar dhe se bllokada e gjatë ndaj ushqimeve, ujit dhe medikamenteve, si dhe dhuna që vijon ka çuar në një katastrofë mjekësore dhe humanitare me përmasa të tmerrshme.
Në letrën e tyre deputetët gjithashtu bënë me dije se po bashkëpunonin me shoqatën ‘Mjekë pa Kufi’ për të përshpejtuar procesin e evakuimit të fëmijëve me trauma apo që janë në kushte të rënda.
Evakuimet duhet të bazohen vetëm në nevojën klinike si dhe vlerësimin individual të rasteve, pa marrë parasysh interesat politikë, financiarë apo reputacionin, theksojnë deputetët, që gjithashtu bëjnë thirrje që fëmijët dhe familjet e tyre duhet të kishin mundësi për të kërkuar azil si dhe vendoseshin në Britani sapo trajtimi mjekësor I fëmijëve të përfundonte.
Izraeli po përballet me kritika në rritje për luftën në rripin e gazës, ku ekspertët e OKB-së kanë vënë alarmin për mungesën e ushqimeve dhe medikamenteve. Të martën, anëtarët e një grupi ish udhëheqësish ndërkombëtarë të quajtur të Moshuarit bënë cilësuan luftën në gaza gjenocide dhe fajësuan Izraelin për urinë me të cilën po përballet popullsia e enklavës.