Eliminimi i Vanesa nga Ferma VIP ka sjellë reagime të forta jo vetëm brenda spektaklit, por edhe në rrjetet sociale, ku vëmendjen më të madhe e mori reagimi emocional i Indrit Shiroka.
Pas shpalljes së rezultatit të televotimit dhe largimit të Vanesës nga gara, Indri u shfaq i prekur dhe shpërtheu në lot para kamerave, duke thënë se e kishte ndjerë prej kohësh se ajo mund të largohej nga formati.
Megjithatë, momenti ka nxitur debat mes ndjekësve të spektaklit. Në rrjetet sociale është shpërndarë gjerësisht videoja e reagimit të tij, ndërsa shumë komentues kanë vënë në dyshim sinqeritetin e emocioneve të shfaqura.
Një pjesë e publikut e kanë cilësuar reagimin si të sforcuar dhe “aktrim për kamera”, duke e quajtur Indrin “aktor të dobët”, ndërsa të tjerë kanë mbrojtur reagimin e tij duke thënë se lidhja mes tyre ishte reale.
Debati ka vijuar online, duke e kthyer momentin në një nga temat më të komentuara pas spektaklit të fundit të Ferma VIP.