Në spitalin “Mbretëresha Geraldinë” ka ardhur në jetë bebi me peshën më të madhe të regjistruar në dhjetë vitet e fundit në Shqipëri.
Foshnja është në gjendje të shkëlqyer shëndetësore, ashtu si edhe nëna e tij, e cila ka pasur një lindje natyrale të suksesshme. Ministrja e Shëndetësisë, Albana Koçiu, ka shpërndarë pamjet e bebit në rrjetet sociale me lejen e prindërve.
“Bebi me peshën më të madhe i lindur në 10 vitet e fundit, pranë SUOGJ ‘Mbretëresha Geraldinë’. Ky bebush ka lindur me peshën 6150 gram dhe ka ardhur në jetë nëpërmjet një lindjeje natyrale të suksesshme, falë stafit mjekësor të SUOGJ ‘Mbretëresha Geraldinë’,” ka deklaruar ministrja.