BRUKSEL– Pas nënshkrimit të marrëveshjes të Partneritetit të Sigurisë dhe Mbrojtjes me BE, kryeministri Edi Rama ka mbajtur një konferencë shkurt së bashku me Përfaqësuesen e lartë të BE, Kaja Kallas.
Rama deklaroi se lidhjet e vendit tonë me Evropën janë të pandashme.
‘Është një ditë e gjatë dhe ditë e rëndësishme për ne sepse kemi edhe samitin vjetor me BE. Ndërkohë u zgjuam me ndjesë të këndshme sepse kemi hapur një tjetër grup kapitujsh. Është një moment shumë i mirë, por dua të shfrytëzoj këtë mundësi për t’ju uruar për këtë emërim. Ndihemi të privilegjuar sepse kemi kaluar një rrugë të gjatë. E dini çfarë do të thotë të lindësh dhe të rritesh në diktaturë, pastaj të luftosh për lirinë, më pas të luftosh për të ndërtuar demokracinë dhe zhvilluar shoqërinë. Kjo marrëveshje është e rëndësishme, sepse është një shenjë që lidhja jonë është e pandashme dhe që duhet të bëjmë më të mirën për ta forcuar cdo ditë e më shumë. Shpreh falënderimet për BE, për të gjithë ata që ne emër të BE po punojnë për të shtyrë përpara këtë axhendë të ribashkimit të plotë të Evropës”, tha Rama.