Drejtori i Përgjithshëm i Policisë së Shtetit, Ilir Proda, ka firmosur këtë të premte një sërë emërimesh dhe lëvizjesh në strukturat drejtuese të policisë në Tiranë dhe disa qarqe të tjera.
Ndryshimet e bëra janë si më poshtë:
Idriz Daulle, nga zëvendësdrejtor për Rendin në DVP Tiranë, emërohet Shef i Komisariatit të Policisë nr. 5, Tiranë.
Besmir Qebini, nga komisariati nr. 5, emërohet Shef i Policisë Kukës.
Bekim Lika, deri tani në Kukës, kalon në detyrën e Shefit të Policisë Shkodër.
Ermal Kenaçi emërohet Shef i Komisariatit nr. 2, Tiranë.
Feliks Hoda emërohet Shef i Komisariatit nr. 4, Tiranë.
Ervis Gjoshi, më parë në Komisariatin nr. 4, ngjitet në detyrë si Zëvendësdrejtor për Rendin në DVP Tiranë.
Robert Losha merr drejtimin e Komisariatit nr. 7, Tiranë.
Elton Shahini emërohet Shef i Komisariatit nr. 1, Tiranë.
Këto lëvizje vijnë si pjesë e ristrukturimit dhe rritjes së efikasitetit të punës në terren dhe pritet të sjellin dinamika të reja në drejtimin e komisariateve kryesore të vendit.