Kylie Jenner ndezi rrjetet sociale me një paraqitje tejet provokuese, duke prezantuar linjën e re të veshjeve “Khy”
Të hënën, Kylie Jenner mahniti ndjekësit me një imazh të ri ku shfaqej në formë perfekte, e veshur me një bluzë bandeau të verdhë dhe pantallona të shkurtra sportive, pjesë e koleksionit të ri që pritet të dalë në treg më 13 gusht.
Ky postim erdhi vetëm një ditë pas festës private për 28-vjetorin e saj, ku familja dhe miqtë ishin të pranishëm, por mungoi i dashuri i saj, aktori Timothée Chalamet. Ai nuk e uron Kylie-n në rrjetet sociale, por postoi një foto me një moment nga një ndeshje boksieri legjendar Mohammed Ali, duke shkaktuar dyshime për një krisje në marrëdhënien e çiftit.
Fansat vërejnë gjithashtu se Kylie ka shpërndarë në Instagram Stories këngë që flasin për ndarje, çka ka ndezur më tej spekulimet. Megjithatë, as Kylie dhe as Timothée nuk kanë folur publikisht për situatën. Mungesa e aktorit mund të shpjegohet edhe me angazhimet e tij në xhirimet e filmit “Dune Messiah” në Budapest.
Çifti është parë bashkë në Saint-Tropez në fillim të korrikut, së bashku me motrën e Kylie-t, Kendall Jenner, por zhvillimet e fundit kanë nxitur diskutime të shumta mbi marrëdhënien e tyre.
Radar.al