Sipas raportit të Euromonitor International, Parisi është qyteti më i vizituar dhe më tërheqës për vitin 2025, për të pestin vit radhazi, duke mirëpritur mbi 18 milionë vizitorë ndërkombëtarë. Analistët theksojnë ndikimin e infrastrukturës turistike, kulturës dhe fokusit në qëndrueshmëri, si dhe rihapjen e Notre-Dame de Paris, si atraksione kryesore.
Pas Parisit renditen Madrid në vend të dytë, falë iniciativave të qëndrueshmërisë dhe lëvizshmërisë urbane, dhe Tokio në vend të tretë, si kryeqyteti kryesor urban i Azisë me ngjarje sportive dhe përvojë turistike të gjallë.
Italia rikthehet në pesë vendet e para: Roma në vend të katërt, e nxitur nga hotelet luksoze dhe zgjerimi i aeroportit, dhe Milano në vend të pestë, për modën, dizajnin dhe infrastrukturën turistike.
Në total, mbërritjet në 100 qytetet kryesore arritën 702 milionë, një rritje prej 8% krahasuar me vitin e kaluar.