Gjykata Kushtetuese e Shqipërisë ka vendosur t’i rikthejë për rishqyrtim Gjykata e Lartë e Shqipërisë çështjen e masës së sigurisë “arrest me burg” ndaj kryebashkiakut të Tiranës, Erion Veliaj.
Vendimi u mor me raport votash 5 me 3, duke i dhënë pjesërisht të drejtë pretendimeve të Veliajt për mënyrën se si ishte shqyrtuar masa e arrestit.
Kushtetuesja nuk ka marrë një vendim përfundimtar mbi vlefshmërinë e arrestit, por ka vlerësuar se çështja duhet të shqyrtohet sërish nga Gjykata e Lartë, duke kërkuar një analizë më të thelluar të argumenteve ligjore dhe procedurale.
Sipas informacioneve paraprake, arsyetimi i gjykatës mbështetet në praktikën e Kolegjeve të Bashkuara, si edhe në standardet e përcaktuara nga Komisioni i Venecias lidhur me proporcionalitetin dhe arsyetimin e masave të sigurisë.