Pas vendimit të Gjykatës Kushtetuese për pezullimin e dekretit që caktonte datën e zgjedhjeve të pjesshme në Bashkinë e Tiranës, Institucioni i Presidentit të Republikës ka reaguar zyrtarisht.
Në një njoftim për median, Zyra e Medias dhe Marrëdhënieve me Publikun deklaron se vendimi i gjykatës do të respektohet plotësisht në përputhje me parimet kushtetuese:
“Institucioni i Presidentit të Republikës respekton vendimin e Gjykatës Kushtetuese për pezullimin e pjesës që përcakton datën e zgjedhjeve vendore në Bashkinë e Tiranës të dekretit nr. 350, datë 01.10.2025.”
Dekreti i Presidentit, i nxjerrë më 1 tetor 2025, kishte përcaktuar datën e 9 nëntorit për zhvillimin e zgjedhjeve në Tiranë, por pezullimi i tij nga Kushtetuesja do të qëndrojë deri në shqyrtimin përfundimtar të padisë së paraqitur nga ish-kryebashkiaku Erion Veliaj, seanca e parë e së cilës është caktuar për më 31 tetor.