Tërhoqi jo pak vëmendje deklarata e ish-Presidentit të Venezuelës, Nicolas Maduro, kur tregoi se ishte vendosur në optikën e mafies shqiptare që operonte në shtetin latin, për t’u ekzekutuar. Këto deklarata u komentuan nga gazetarët në Shqipëri, por jo vetëm më shumë si një alibi sesa një rast konkret. I këtij mendimi është edhe gazetari Dashamir Biçaku, ku i ftuar në “RADAR” dha të tjera detaje. Ai nënvizoi se bëhet fjalë për një person të arrestuar tashmë, por që sipas tij, ky personazh nuk ka pasur në plan për të eliminuar kreun e shtetit venezuelian.
Biçaku citoi po ashtu se shqiptarët në Venezuelë shihen si bashkëpunëtorë të karteleve që operojnë atje, pa ndonjë rol domethënës në plane kaq të bujshme. Megjithatë sipas Biçakut roli i shqiptarëve shihet si kyç në transportin e kokainës drejt Evropës, ku jo në pak raste kujdesen për të fshehur me kujdes sasi të mëdha të drogës që vjen drejt Kontinentit të vjetër.