ITALI– Kryeministrja italiane Giorgia Meloni një ditë më parë ka bërë me dije se njohja e mundshme e Shtetit të Palestinës nga Italia është një hap më pranë nëse plani aktual për zgjidhjen e konfliktit zbatohet me sukses.
“E kam të qartë se, nëse plani zbatohet, njohja e Palestinës nga Italia me siguri do të jetë më afër”, u shpreh Meloni gjatë samitit për Gazën, i mbajtur në Egjipt.
Ndër të tjera ajo ka theksuar se qëllimi i saj është krijimi i një Shteti të Palestinës. Megjithatë njohja do të ndodhë vetëm pasi të jenë përmbushur kushtet e përcaktuara më parë nga Parlamenti italian.
“Synoj të kem një Shtet të Palestinës dhe, për rrjedhojë, njohjen e Shtetit të Palestinës – kur të përmbushen kushtet që janë vendosur edhe nga Parlamenti, sigurisht.”-tha ajo./Radar.al