Kryeministri Edi Rama u prit mbrëmjen e sotme në Élysée Palace nga presidenti francez Emmanuel Macron, në kuadër të darkës zyrtare që organizohet me rastin e Forumit të 8-të të Paqes në Paris (Paris Peace Forum).
Kreu i qeverisë shqiptare, i shoqëruar nga bashkëshortja Linda Rama, publikoi një video nga momentet e pritjes dhe takimit me presidentin Macron dhe zonjën e parë Brigitte Macron.
Forumi i Paqes në Paris, që zhvillohet më 29 dhe 30 tetor, mbledh çdo vit liderë shtetesh, përfaqësues të organizatave ndërkombëtare, shoqërisë civile dhe sektorit privat nga e gjithë bota. Ngjarja ka për qëllim nxitjen e bashkëpunimit ndërkombëtar dhe forcimin e qeverisjes shumëpalëshe për t’u përballur me sfidat globale.
I themeluar në mars të vitit 2018, Forumi është shndërruar në një nga platformat kryesore të dialogut ndërkombëtar, ku liderët botërorë kërkojnë forma të reja të veprimit të përbashkët për paqen, zhvillimin dhe qëndrueshmërinë.