TIRANË– Monika Kryemadhi mesditën e sotme është paraqitur në Prokurorinë e Posaçme kundër Korrupsioni, në zbatim të masës së sigurisë “detyrim paraqitje”.
Pas daljes nga SPAK Monika u shpreh se “rrëmbimi i Ilir Metës është bërë me urdhër të një gruaje që ka pasur inat personal me Ilir Metën, që sot është askushi, Yuri Kim.”
“Rrëmbimi i ilir Metës është bërë me urdhër të një gruaje që ka pasur inat personal me Ilir Metën, që sot është askushi, Yuri Kim. I premtoi parajsën mbi tokë institucionit të drejtësisë. Nga ana tjetër edhe Edi Ramës i dha një mundësi për të treguar se hakmarrjen e tij personale e kryen në mënyrë perfektë nga institucioni i drejtësisë. Mos harroni se ne nuk kemi kërkuar një institucion të burgosë 300-3000 veta, por drejtësi për shqiptarët.”-tha Kryemadhi.
Kujtojmë se ndaj Monika Kryemadhit rëndojnë 3 akuza, pastrim parash, korrupsion dhe mosdeklarim pasurish. Për këto vepra akuzohet gjithashtu edhe ish-bashkëshorti i Monika Kryemadhit, Ilir Meta, me të cilin u divorcua me vendim gjykate disa ditë më parë./Radar.al
Gjuha bullizuese Rama-Berisha-Basha në zgjedhje, flet psikologia Anxhela Peza