DURRËS– Një 49-vjeçar me origjinë nga Egjipti, i cili ishte në kërkim ndërkombëtar nga autoritetet italiane është arrestuar në Durrës.
Bazur në njoftimin e policisë mësohet se në kuadër të operacionit të koduar “Operacionalja 36” u vu në pranga shtetasi Walid Elabd,, i cili akuzohet se kishte krijuar një organizatë kriminale për trafikun e qenieve njerëzore.
Njoftimi:
Finalizohet nga Drejtoria e Forcës së Posaçme Operacionale, operacioni policor i koduar “Operacionalja 36”.
Akuzohet se krijoi në Itali, një organizatë kriminale për trafikim të qenieve njerëzore, kapet në Durrës, 49-vjeçari nga Egjipti.
Si rezultat i koordinimit të informacioneve dhe veprimeve policore, me homologët italianë, nëpërmjet specialistëve të Interpol Tiranës, Drejtoria e Forcës së Posaçme Operacionale, në kuadër të operacionit “Operacionalja 36”, kapi në Durrës dhe vuri në pranga shtetasin e shpallur në kërkim ndërkombëtar, për llogari të Italisë, Walid Elabd, 49 vjeç, të lindur në Egjipt.
Gjykata e Katanias, Itali, ka lëshuar urdhër arresti për këtë shtetas, për veprën penale “Trafikimi i qenieve njerëzore”, kryer në kuadrin e organizatës kriminale.
Për këtë veprimtari kriminale ligji në Itali parashikon si dënim maksimal 20 vjet burgim.
Interpol Tirana vijon bashkëpunimin me Interpol Romën, për të finalizuar procedurën për ekstradimin e 49-vjeçarit, në Itali./Radar.al
Brenda anijes më të bukur në botë, ‘Amerigo Vespucci’ vjen në Durrës
Nxiste të miturit të shisnin k*kainë, arrestohet 34-vjeçari në Korçë