Ditën e sotme Kolegji i Posaçëm i Apelimit (KPA) shkarkoi kryeprokurorin e Lezhës, Erjon Shehaj.
Kujtojmë se shkarkimi i Shehaj ndodhi pas denoncimeve të bëra në emisionin investigative Vetting.
Në seancën e sotme mësohet se vetë Erjon Shehaj, nuk ka qenë i pranishëm. Ai u përfaqësua nga avokati Julian Mertiri.
Sa i përket çështjeve për të cilat Shehaj akuzohet, trupa gjykuese u shpreh se nuk do të mbajë qëndrim. Kjo pasi çështja është për gjykim në Gjykatën e Lartë.
Për 4 rastet e denoncuara, trupa gjykues vlerëson se u konstatuan shkelje nga ana e subjektit te rivlerësimit.
Në një nga procedimet Shehaj duhej të hiqte dore pasi ishte në konflikt interesi. Por në fakt përfshirja e tij në këtë procedim shkaktoi pavlefshmëri të akteve të procesit penal.
Në përfundim të senacës trupa gjykuese e KPA vendosi shkarkimin e Shehajt.