Kryeministri Edi Rama deklaroi sot gjatë aktivitetit “Infrastruktura, arritjet dhe sfidat për Shqipërinë 2030” se Shqipëria do të ketë dy autostrada të kategorisë A, të cilat do ta lidhin drejtpërdrejt me rrjetin evropian të autostradave.
Bëhet fjalë për Korridorin Blu dhe Korridorin VIII, dy projekte të rëndësishme infrastrukturore që, sipas Ramës, fillimisht janë pritur me skepticizëm, por po realizohen me një logjikë të qartë zhvillimi ekonomik për qytetarët dhe vendin në tërësi.
“Do të kemi dy autostrada të kategorisë A, që janë dy autostrada që lidhin Shqipërinë me gjithë rrjetin e autostradave të BE-së. Korridorin blu dhe kur ne e kemi lançuar korridorin blu në fillim fare talleshin me ne. Po ashtu, Korridorin e 8-të i cili është komplet tjetër nga çfarë ishte. Logjika e të gjithë pjesëve të tjera të investuara dhe për t’u investuar është ekzaktësisht logjika e bërjes së rrugëve për të sjellë më shumë ekonomi, qoftë për njerëzit që i aksesojnë qoftë në shkallë kombëtare”, tha Rama.
3