ITALI– Xhanluixhi Donaruma më në fund ka gjetur paqe, pas një vere të trazuar, ku u largua nga PSG-ja dhe firmosi një kontratë pesëvjeçare (me opsion për një sezon tjetër) me Mançester Sitin. “La Repubblica” detajon shifrat që portieri thuhet se ka rënë dakord me skuadrën e Pep Guardiolës. Në pah ka dalë një detaj më pak i njohur, përkatësisht bonuset për portën e paprekur: bonusi thuhet se bazohet në numrin e portave të paprekura të arritura gjatë gjithë sezonit.
Dy bonuse të tjera lidhen me arritjen e objektivave të ekipit, njëri do të paguhej për një triumf në Premier Ligë, tjetri për një triumf në Ligën e Kampioneve. Sa i përket shifrave, gazeta vlerëson se ai mund të fitojë 80 milionë euro nga tani deri më 30 qershor 2030, një shifër që mund të rritet në 100 milionë euro nëse ai ushtron mundësinë për të zgjatur kontratën e tij deri në vitin 2031.
Portierit do t’i garantoheshin 15 milionë euro për sezon, duke u rritur në 18 milionë euro në sezonin 2029-30. 19 milionë euro priten për një sezon shtesë./PanoramaSPORT