Arrestohet 32-vjeçari që plagosi me armë për një vend parkimi në Tiranë
Franci Canaj, 32 vjeç, është vënë në pranga pas ekzekutimit të vendimit të Gjykatës së Tiranës, pasi akuzohet se plagosi me armë zjarri një 29-vjeçar pas një sherri për parkimin. Ngjarja ka ndodhur më 9 prill 2025, ku gjatë një konflikti për motive të dobëta, Canaj ka qëlluar me pistoletë në këmbë shtetasin G.H., 29 vjeç.
Canaj akuzohet për veprat penale “Plagosja e rëndë me dashje” dhe “Mbajtja pa leje dhe prodhimi i armëve, armëve shpërthyese dhe municionit”. Arrestimi i tij u krye nga Specialistët për Hetimin e Krimeve të Rënda.