Drafti i Kodit të Ri Penal parashikon dënime deri në 3 vite burgim për këdo që keqpërdor imazhin e një personi për të hapur profile të rreme në rrjetet sociale ose platforma të tjera online, pa pëlqimin e tij.
Sipas nenit 842 për “Përdorimin e paligjshëm të imazhit”:
Hapja e profileve të rreme apo publikimi i imazheve të dikujt tjetër që sjell ngacmim, përndjekje ose poshtërim, dënohet me gjobë ose burg deri në tre vite.
Ndjekja penale niset vetëm pas ankesës nga viktima ose përfaqësuesi i saj ligjor dhe ndalet nëse pala e dëmtuar heq dorë nga padia.
Ky ndryshim synon të forcojë mbrojtjen e privatësisë dhe të ndalojë abuzimet online me identitetin e personave.