Portieri i Interit, Jan Zomer, foli për “Matchday Programme” para ndeshjes së parë të këtij sezoni kundër Torinos. “Qetësia dhe qartësia janë thelbësore në rolin tim, ashtu si edhe të dish si të përballosh presionin.”
Nëse do të mund të zgjidhnit një cilësi nga një shok skuadre, cila do të ishte?
“Do të zgjidhja gjuajtjen e Çalhanoglu, por edhe mentalitetin e Mkhitarian.”
Cilin aspekt të stilit tuaj të lojës e keni zhvilluar më shumë?
“Gjithmonë i kam kushtuar vëmendje të veçantë punës sime me këmbët, është një komponent themelor për mua. Që nga vitet e rinisë, kam punuar shumë për t’u përmirësuar në këtë fushë dhe kam qenë me fat që kam pasur trajnerë që e kanë vlerësuar këtë aftësi tek unë.”
Çfarë mendoni për Kristian Kivu?
“Ai është një trajner i kompletuar, mund ta shihni në mënyrën se si bashkëvepron me ne në fushë dhe në mënyrën se si i përballon situatat. Është shumë i qetë, por edhe shumë i vëmendshëm, ka një mentalitet dhe energji të shkëlqyer.”
A kishe ndonjë nofkë kur ishe fëmijë?
“Si fëmijë, të gjithë më thërrisnin Jan sepse isha shumë i shkurtër dhe i rehatshëm. Nofka më erdhi kur luaja për Bazelin sepse atje kishte shumë argjentinas dhe filluan të më thërrisnin ‘Verano’, që do të thotë verë në spanjisht, nga ‘verë’ në anglisht, dhe tani është shkruar edhe në dorezat e mia.”
Cilët tre legjenda të Interit do t’i përfshije në ekipin e ëndrrave të Interit?
“Hulio Sesar, Toldo dhe, sigurisht, Ronaldo “Fenomeni”.”/PANORAMASPORT.AL