Ish-deputeti demokrat, Ervin Salianji, ka shprehur falënderimet e tij për mbështetësin e PD-së, Ilir Vrenozi, i cili e përmendi gjatë një takimi elektoral në Korçë. Salianji theksoi se zëri i Vrenozit kishte më shumë ndikim se çdo zë i pushtetit dhe e quajti atë një burim frymëzimi për çdo demokrat.
Ai e vlerësoi qëndrueshmërinë dhe karakterin e Vrenozit, duke e quajtur atë një njeri të fortë dhe të papërkulur, i cili qëndroi i pamposhtur edhe në përpjekjet e Edi Ramës për ta joshur. Salianji theksoi se, pavarësisht mungesës së medias dhe pushtetit, Vrenozi ka vazhduar të mbetet i palëkundur në mbështetje të kauzës së PD-së, duke përdorur vetëm telefonin dhe shpirtin e tij të lirë.
“Mirënjohje pa fund për demokratët e Korçës që përherë e në çdo sfidë luftojnë, përballen, vuajnë e fitojnë së bashku. Falenderim për mikun e veçantë timin dhe të çdo demokrati, Ilir Vrenozin, qëndresa, karakteri dhe burrërria e të cilit është frymëzim për çdo demokrat.
Edi Rama tentoi ta joshë, duke përdorur makinerinë e tij të rënde, po ai qendroi i pamposhtur, edhe pse pa media, pa oligarkë, pa pushtet, por vetëm me një telefon e shpirtin e tij të lirë. Vala e ngritur në atë sallë sonte, do rrezatojë gjatë në Korçë e në gjithë vendin
Forca miq, kurajo. Do të shohim bashkë me 11 Maj se pushteti i vërtetë është i qytetarëve, ndërsa sundimi që ka ngritur autokratuci do të shembet bashkë me të, siç bie një ngrehinë e korruptuar dhe e kriminalizuar, e kalbur në moral.”, shkruan Salianji.