Tonin Vocaj, Drejtori i Policisë Publike në një konferencë për mediat ka zbuluar detaje lidhje me hetimet ndaj dhunës së avokatit Sokol Mëngjesi.
Kanë kaluar më shumë së gjashtë javë nga ngjarja e rëndë, trë prej të dyshuarve janë ende në kërkim.
Vocaj gjithashtu zbuloi se autoritetet kanë zgjeruar kërkimet e tyre në të gjithë vendin për arrestimin e dhunuesve.
“Ne siç kemi njoftuar, Policia e Tiranës për ngjarjen e Mëngjesit ka kryer veprime të shpejta hetimore dhe ka bërë të mundur arrestimin e dy autorëve kryesore. Vazhdojnë kërkimet për kapjen e personave të tjerë, kërkimet tona kanë qenë në Tiranë, kërkimet janë shtrirë në gjithë Shqipërinë dhe shpresojmë se do kemi rezultate konkrete të shpejta që të çojnë në arrestimin dhe vënien para përgjegjësisë edhe të këtyre individëve”, u shpreh kreu i Drejtorisë së Policisë së kryeqytetit.